Abad

---

Abad (arab. — so‘nggi yo‘q, mangulik) — 1) doimiy, ya’ni biror bir harakatning uzluksiz davom etishi. A.dan «abadiy», «abadiylik», «abadiyat», «abado» kabi so‘z atamalar yasalgan. Ular «ni-hoyasi yo‘q», «cheksiz», «cheksizlik», «zavolsiz» kabi falsafiy, ilmiy tushuncha va ma’nolarni ifodalaydi. A.ning ziddi «azal»dir. Azal — eng avvalgi davr, ibtidosi bo‘lmagan o‘tgan zamon»; 2) mangu (o‘limsiz) hayot, abadiylik. Islom dini ta’limotiga ko‘ra, «abadiylik» tushunchasi avvalo Allohga tegishlidir. Oxiratdagi jannat va do‘zax axli ham abadiylikka mansubdirlar.

Manba

---

O'zME